Tanglaw

Tanglawan

Mga kaluluwang yakap ng dilim

At mga pusong bagabag

Puspos ng gulo’t kawalang saysay

Tanglawan

Mga anino ng kahapong

Tangan ay bulag sa sulyap sa ngayon

At kawalan ng pakialam sa kapwa

Na tila baga sila’y ‘di kapatid.

Magkaisa, mga Anak ng Liwanag

Magpakatibay kayo

Ang panaho’y dumating

Upang ang tunay na layunin’y gampanan na.

Isang dakilang pagkakataong

Ibahagi ang banal na alay

Na buhat sa dambana ng inyong kaluluwa

At ipagdiwang ang inyong tunay na pagkatao.

Ngayon ang pagsilang ng isan bagong mundo

Na nais nating matunghayan

Na ating aabutin

Sa pamamagitan ng pagmamahalan at pagsabay sa musika ng sanlibutan.

Isinalin sa Filipino ni Neph Botor, hango sa tulng “Light” ni Ome Bailey, handog para sa TANGLAW, DIWA, LIKHA ng Makiling (28-29 Hunyo 2013)