Bali-balita at iba pa....

Hokey, balita tungkol sa akin, mga bagay-bagay na pinaggagawa ko dito sa Mindanao...

Una, hep! Medyo rarampa muna ako, ipapakita ko lang ang aking bagong swimming trunks, well, ito kasi ang napagkakaabalahan ko ngayon dito. Lingo-lingo eh nagswi-swimming kami at hindi ko akalain na mahal pala ang mga swimming gear, 'kala ko mura lang, hindi pala! But, anyway, enjoy pa rin naman, kaya, hala, eto ako ngayon!


o 'di ba? stolen shot pa!


Pangalawa, naimbitahan akong mag-donate ng dugo. Matagal din naman akong hindi nag-donate kaya pinatulan ko na. Nakakapanibago lang sa una, pero pagkatapos ng ilang minuto, okay na, halos lumukso palayo ang mga dugo ko sa katawan. Ilang minuto lang puno na 'yung bag.


habang hinahanap ang ugat sa aking braso...


medyo nahirapan at nagtatago daw sa mga buhok at taba ko!


eto na ang pagtutusok ng karayom, enjoy!!!


o di ba, nakatawa pa!


ayan, ambilis mapuno ng dugo!!!


Pangatlo, nakasama ako sa sayaw na prinesent namin sa foundation day ng Makilala, North Cotabato. May panibagong career na ako dito, una pole dancer (tinikling), ngayong naman eh sweetener (maglalatik, gets? corny 'no? tama na at baka mabilangan ako dito....). Ang nakakatawa pa nito, nabuyagan (read: nausog, "u" 'yung nasa gitna, hindi "a") pa ako, kasi ako 'yung pinakamalaki at pinakamabuhok sa aming manananayaw kaya ayun, pagkatapos ng sayaw, ang sama ng pakilasa ko, hanggang gabi, as in kinabukasan lang umayos ang pakiramdama ko...sabi kasi nila, kakaiba daw itsura ko, hindi daw sanay 'yung mga manonood, kaya pansinin, gan'un?


sa unang formation, tagal matapos para makauwi na!


kaharap ang ka-partner!


hahaha, tumitingin sa katabi para malaman kung ano isusunod na galaw!


seryoso 'to 'day!


patapos na, kaya pa-easy-easy na lang!


exit ng grupo!

Ah, well, kung ano-ano na lang ang pinaggagawa ko rito, kung kailan ako tumanda, tsaka pa ako sumasayaw sa public ng ganito...buhay nga naman!

Gimik!

N'ung nakaraang linggo,maykaibigan akong bumisita dito sa Davao, siyempre excited ako sobra dahil matagal ko na siyang hindi nakikita, mga dalawang (2) taon na...at siyempre dahil bibisita siya, inayos ko ang lahat, tutulugan, gimik area at schedule. Dadalhin ko sana siya sa d'un sa mga pinost ko dito na pictures tungkol sa "starfish", kaso mapagbiro ang tadhana, kakaunti lang ang panahon na narito siya, kaya lahat ng binalak ko, walang natuloy - ngek!

Ang nangyari, nagkita lang kami sa Davao at d'un gumimik! Okay naman, worth it naman ang pagkikita namin, super saya pa rin kami! Siguro 'pag-uwi ko na lang diyan sa Luzon ang part 2 ng aming gimik.

Eto nga pala siya, si Ed, grabeh, iba ang mga pinagsamahan namin ng babaeng ito,as in, halos magkadugtong na ang mga bituka namin! Sa hirap at ginhawa, sa saya at tuwa, magkasama kami, sa pag-ibig at...huwag na lang, baka malungkot pa ako eh, alam na n'ya 'yun....


Si Ed, 'diko nalang sasabihin kung ano ang code name nya!

At alam nyo ba, baliw din siya, nag-pose ba naman ng ganito!


Ed's Sadako's impression!

Kasama naming gumimik din eh ang bakla naming kaibigan sa davao, grabeh, ang galing ng doktor nya, successful ang operation nya para magmukhang babae. Babaeng-babae ang dating nya kaso pumalpak lang sa isang banda 'yung doktor, sa mukha - peace jan-jan, hehehe!


Si jan-jan, oy babae 'yan!


o, di ba, may pa-pose-pose pa kaming nalalaman!


Naka-"Magnum" look si Jan-Jan!

Tapos, okay 'dun sa ginimikan namin kasi ang nagpe-perform eh ang P.L.O - Popong Landero Organization! ang tagal na n'ung huli ko silang napanood, College pa yata ako n'un.


Ang P .L.O!


Solo ni Ka Popong!


Si ka Popong during the break


At siyempre, palalampasin ko ba naman ito, me and Ka Popong!

Wahahaha, enjoy talaga! 'Di lang kaibigan ko ang naka-bonding ko, nakita ko pa si Ka Popong!

Pictures galore!

Hey, hey, hey! Eto na ‘yung mga pictures na nakuha ko ng mga nakaraang araw…swimming , kadayawan at hinugyaw!

Ehem, siyempre, mang-iinggit muna ako sa aming malapit na magandang falls and hot spring – Sangngawan nga pala ang pangalan niya, hindi ko pa alam ang ibig sabihin n’un.

'o di ba, topless ang lolah mo!

Tapos, Kadayawan Festival naman, ‘yun nga lang, hindi ko nakuhanan n’ung nag-street dancing kasi naiwan ko ang camera sa hotel na tinuluyan ko kaya float parade na lang…

eto...simula na sila!

Kamukha ni Gloria ‘yung float ng SM!

Eto 'yung sa Chowking!

…at ang Winning Float ng NCCC Mall!

Hinugyaw Festival naman sa Cotabato Province…n’ung napadaan kami, may-event pala na HORSE FIGHTING – sabong ng mga kabayo! P100.00 ang entrance fee, ‘buti na lang last fight na ‘yung inabutan naming kaya pinapasok kami ng libre. Gan’un pala ‘yun, parang sabong talaga ng mga manok, maraming nanonood at pumupusta.

May dalawang (2) mola (barakong kabayo) at isang (1) babaeng kabayo sa loob ng ring. ‘Yung babae ang pag-aawayan ng dalawang (2) mola. Kung sino ang tatlong (3) beses na tumakbo sa laban, iyon ang talo. Grabe pa lang mag-away ang kabayo, brutal at delikado sa mga nanonood! Kahit saan pwedeng pumunta at kayang gibain ‘yung ring na ginawa para sa kanila. Mabuti at nakontrol naman n’ung mga trainor ‘yung mga mola nila – hmmmn, parang ibang pakinggan ah!

Tapos, street dancing, kaso hindi ko na napanood sa street pero sa showdown nila, napuntahan ko naman. Okey na okey!