Pictures galore!

Hey, hey, hey! Eto na ‘yung mga pictures na nakuha ko ng mga nakaraang araw…swimming , kadayawan at hinugyaw!

Ehem, siyempre, mang-iinggit muna ako sa aming malapit na magandang falls and hot spring – Sangngawan nga pala ang pangalan niya, hindi ko pa alam ang ibig sabihin n’un.

'o di ba, topless ang lolah mo!

Tapos, Kadayawan Festival naman, ‘yun nga lang, hindi ko nakuhanan n’ung nag-street dancing kasi naiwan ko ang camera sa hotel na tinuluyan ko kaya float parade na lang…

eto...simula na sila!

Kamukha ni Gloria ‘yung float ng SM!

Eto 'yung sa Chowking!

…at ang Winning Float ng NCCC Mall!

Hinugyaw Festival naman sa Cotabato Province…n’ung napadaan kami, may-event pala na HORSE FIGHTING – sabong ng mga kabayo! P100.00 ang entrance fee, ‘buti na lang last fight na ‘yung inabutan naming kaya pinapasok kami ng libre. Gan’un pala ‘yun, parang sabong talaga ng mga manok, maraming nanonood at pumupusta.

May dalawang (2) mola (barakong kabayo) at isang (1) babaeng kabayo sa loob ng ring. ‘Yung babae ang pag-aawayan ng dalawang (2) mola. Kung sino ang tatlong (3) beses na tumakbo sa laban, iyon ang talo. Grabe pa lang mag-away ang kabayo, brutal at delikado sa mga nanonood! Kahit saan pwedeng pumunta at kayang gibain ‘yung ring na ginawa para sa kanila. Mabuti at nakontrol naman n’ung mga trainor ‘yung mga mola nila – hmmmn, parang ibang pakinggan ah!

Tapos, street dancing, kaso hindi ko na napanood sa street pero sa showdown nila, napuntahan ko naman. Okey na okey!

ababababa!

Aba, ng mabasa ko ang blog ng isang komikero at sinabing isang taon na ang blog niya (raipo), tiningnan ko rin ang blog ko...at namangha ako sa aking nalaman, isang (1) taon na nga rin ang blog ko, WOWWW!

Nakakatuwang balikan ang mga sinulat ko dito, pati na rin ang komentaryo ng mga kaibigan ko at mga mambabasa ('yung mga naliligaw dito). Pipilitin ko na talagang palaging magsulat dito, masarap din naman kasing magsulat at makisalamuha sa mga kaibigan ko sa internet.

Balita, halos puro mga balita at karanasan ko dito sa Mindanao ang mga sinusulat ko dito pero pipilitin ko na ulit mag-post dito ng tungkol naman sa Mindanao talaga.

Sa akin, okay pa naman, kakatapos sa subject na beach d'un sa huling post ko, isang araw na nakaraan, hot spring naman ang pinuntahan, tapos regular pa na nagsi-swimming kami kada linggo, marunong na kasi akong lumangoy ngayon, kaya may karapatan na akong magsuot ng trunks 'pag nagsi-swimming, hindi na ako parang talaba na nakababad laman sa swimming pool...kaya babala sa mga komikero, kapag umuwi ako diyan sa Luzon at magyayang mag-swimming, rarampa galore akoh!

Marami rin pala akong mga festivals na napuntahan dito, sunod-sunod at marami pang susunod. Kakatapos lang ng Kadayawan Festival sa Davao. "Festivals of Festivals" daw, toto nga! Sa susunod na 'yung mga litrato, nasira 'yung USB ko na ginagamit sa pagpo-post ng mga pictures.

Sa Kadayawan, okay ang performers sa streetdancing, n'ung sa Halad kasi sa Midsayap, nadismaya ako sa karanasan ko d'un, malayo sa mga nagpe-perform, kaya malalayo ang mga shots sa pictures. Eh dito, nasa harap ko mismo, ang showdown eh sa iba't-ibang street. Hindi ko nadala 'yung camera, naiwan d'un sa hotel na tinuluyan ko, kaya kinabukasan na event na lang y'ung nakuhanan ko - syunga!!!

N'ung umuwi na ako galing Davao, sa Kidapawan naman may Timpupo Fruit Festival, kaso sa sobrang busy ng schedule ko at pagod, n'ung pumunta ako sa Kidapawan, wala na akong inabot, tapos na ang program, nagkaroon ng "eat all you can" ng mga prutas at street dancing.

Makaraan ang dalawang (2) araw, Hinugyaw (Harvest) Festival naman sa Province ng Cotabato, okay naman, showdown ng street dancing 'yung napanood ko, at marami akong nakuhang pictures. Sumama kasi ako d'un sa mga official photographers, feeling lang, akala nila kasama ako d'un, sabi ko kasi, ipi-feature ko sa blog, sa internet, pinayagan ako.

Sa Lunes, balik kami sa Talikud Island, sa may Isla Reta - haaay, this is life! At marami pang Festivals na susunod, may Kadagaya Festival ang office namin, Festival pa uli sa Makilala, sa Poblacion namin, sa October, may Tulingan Festival naman sa Lanao del Norte, inaasahan ako ng aking kaibigang prinsesa...at talagang nag-e-enjoy na ako ngayon...mahirap iwan ang Mindanao, parang naganganib na naman ang iniskedyule kong pag-uwi ah...pero hindi, sisiguraduhin ko 'yun!

Ups, oo nga pala, MERRY CHRISTMAS TO ALL!!! o di ba? "ber" na uli eh, malapit na uli ang pasko, ambilis ng panahon talaga, grabeh!

ang buhay beach!

Grabeh! Sari-sari ang mga nangyayari sa akin ngayon dito sa Mindanao, mapabuti man o hinde, eh okay lang...nag-e-enjoy na rin ako rito. Siguro nga stage lang talaga na malungkot at magsawa ako sa buhay ko...pero ngayon, okay na!

Isinama ako ng mga boss ko pabalik sa Talikud Island, pero sa ibang parte naman, sa Isla Reta. Ang ganda ganda ng lugar, parang Boracay tapos napakamura pa! Ang sasakyan lang papunta eh isang malaking bangka na P50.00 ang singil at pagdating mo sa resort, P30.00 lang ang entrance fee, libre pa ang mga lamesa sa ilalim ng mga puno na parang cottage. Napakaganda at linis ng lugar.

Paanyaya: Kahit sinong Komikero ang pumunta dito sa Mindanao, sigurado kong dadalhin ko kayo dito at talagang mag-e-enjoy kayo!


eto 'yung beach na Boracay ang dating!


at eto pa!

Siyempre, beach ang lugar kaya rumampa ako ng husto!


ehem, ako sa may tabing dagat!


kasama ang isa sa mga boss ko, si 'ter Nono


kasama ang 2 sa boss ko pa, si 'ter lanie (gitna) at ate betsy!

Isang nakakatuwa, 'yung lugar na 'yun maraming sea weed na tirahan ng mga isda, nang sumisid kami at tumingin sa mga isda bigla kaming sinalubong ng coral sea snake, balik kaagad kami sa takot. Eh Coral sea snake 'yun eh, napaka o pinakamakamandag na ahas sa mundong ibabaw! Basta mapagawi kami d'un sa lugar nya, sinasalubong nya kami!

Tapos, 'yung lugar din na 'yun, andaming cultured na taklobo at malalaking shells, pati na starfish ang dami rin, nanguha tuloy kami, alam kong medyo mali ito pero...curios eh, nakakain pala 'yung mga 'yun, pwera d'un sa starfish. Kinilaw ang kalimitang pag-prepare!


ang aming mga huli n'ung araw na iyun!


ang bago kong bra!


...at ang bago kong maningning na huli!

Grabeh! Enjoy talaga!

Ang mga babae (at lalake…ahaaay!) sa buhay ni balbona

Medyo sinisipag akong magsulat ngayon…at medyo maramirami rin ang maisusulat ko ngayon.

Kumuha ako ng extra job dito para may pang-gimik ako na konti habang naghihintay pa ‘ko sa susunod kong trabaho…pero actually, medyo matagal-tagal na rin hindi ako nakakagimik, ika nga eh, busy kaayo!

So, habang ginagawa ko ‘yung isang project, napagawi ako sa Digos City, sa Davao del Sur, at siyempre kapag nasa lugar ka na ito, dapat hindi mo palalampasin ang dinarayo dito sa sarap na bibingka…, bibingka nga, ‘yung pagkain na bibingka ha…at iyan ay matatagpuan sa isang sikat na restaurant dito – ang Mers. Garantisado, masarap nga ang bibingka nila!

Ito ang Mers!

ummmmm....bibingka!

At nang mapagawi pa ako sa loob ng syudad sa medyo liblib na lugar, ito ang bumulaga sa akin…nasa isip ko kaagad, hindi ko dapat palampasin ito, kailangang makuhanan ng litrato at mai-post sa blog…hehehe, kayo na mag-isip kung ano ang iniisip ko ng makita ko ito….

....hehehe, COCKERS INN! HAHAHAHA, COCKERS INN!!!!

Hehehe, may panlaban na ako sa Top 10 odd names na iniipon ng mga kaibigan ko…Raipo, sa palagay ko talo nito ‘yung “Mr. Footlong” na nakita natin!

…tapos, bumisita sa amin ‘yung matagal ng funder ng aming office, eh magre-retire na kaya nagdesisiyon ang aming executive director na bigyan siya ng tribute…so, ayun, naging busy na naman ako, pinagawa ako ng portrait n’ung funder naming para daw maipa-frame at mailagay sa t-shirt. Okay sana, kaso wala silang klarong picture n’ung tao, meron nga kaso sobrang liit naman, kinailangan ko pang i-enlarge, kaso uli, sabog naman ang itsura n’ung litrato kaya hirap na hirap ako, pero okay naman ang nangyari, ginamitan ko na lang ng aking magic, ika nga eh ilabas ang aking pag-iinarte (read: artist)..ayun nasiyahan sila, ngayon lang daw sila nakakit ng ganun, iba’t-ibang seeds kasi ‘yung ginamit ko sa outline at ang canvas eh hand-made paper, tuwang-tuwa sila.

'yung funder, si Piet at ang aking boss ngayon!

...at siyempre, ako at si Piet!

… at hindi pa natapos d’un, kailangan daw mag-present lahat kami ng iba’t-ibang production numbers, sa kasawiang palad, sa tinikling ako napapunta, ayun, grabe, mahirap na masarap pa lang magtinikling, mahirap kasi pagod ang paa mo kakatalon, masarap kasi para kang naliligo sa pawis mo pagkatapos, siguradong galong-galong mantika ang nawala sa akin!

hehehe, kaya ko pala magtatalon!

…nang dumating ‘yung funder may kasama siyang walong (8) Austrian women, ‘yung iba may edad na, ‘yung iba naman medyo kaidad ko, pero futek, ang tatangkad at ang puputi…as in lahat maputi, medyo kasi sanay na ang mata ko kung saan titingin eh, kaya alam ko ang tunay na maputi! Ika nga, eh medyo makasalanan daw ang aking paningin, hehehehe!

...ang aking harem!

…at ako ang naging official photographer nila, para kasi sa documentation, kasakasama nila ako kung saan sila pumunta kaya marami akong pictures nila. N’ung tribute, nagulat sila n’ung magtinikling ako, kaya a’yun, nahiritan din na magpaturo sila sa akin, o kitams, may silbi din pala ang paghihirap ko – ang lalambot ng mga kamay, futek!

...bigla akong naging DI!

...at isa pa!

…at siyempre, pagkatapos ng tribute, may party, ito nga pala ang bagong kaibigan ko dito na medyo kaedad ko si Mai-mai, hataw kami sa sayawan, n’ung party kasi, ako rin ang DJ kaya may hawak akong remote at cd.

Ako at si Maimai...

...at kami uli!

…nang matapos ang party, saka pa lang ako nakapagpahinga ng maayos-ayos, kaso biglang nag-text ‘yung mga kaibigan ko sa Los Baños, darating daw sila sa Midsayap, North Cotabato, kasi inimbitahan silang speaker sa isang event ng isang malaking school d’un, Southern Christian College. Siyet, mga dalawang (2) oras na byahe din iyun, gusto ko mang magpahinga ng husto kaso, pagkakataon ko ng makita uli sila kaya pumunta pa rin ako, d’un ako sa bus natulog…pagdating d’un, hindi naman ako nagsisi, nawala ‘yung pagod ko sa sobrang tuwa! Siyempre, kwentuhan to the max!! updates sa isa’t-isa!!

Si Indihra at aketch!

Siya si Indihra Dimaporo, isang pinsesa sa Lanao del Norte, Muslim siya pero radical at moderno, para ngang hindi Muslim siya ‘pag kami lang ang magkakasama. FYI: 52 lang silang magkakapatid sa sampung (10) nanay at hindi na raw niya mabilang kung ilan ang kanyang mga pinsan, pamangkin at apo!

…tapos, kasama rin ‘yung dating kong boss sa uplb na malapit kong kaibigan, tapos nakita ko rin ‘yung isang kaibigan ko na matagal ko ng hinahanap tapos taga-Midsayap lang pala, eh palagi ako sa lugar na ‘yun…ang nangyari parang reunion namin at iba pa ang sumagot sa mga gastos namin, pina-check-in kami sa hotel nila at sagot ang pamasahe at pagkain, ultimo ako, nakasama na rin sa benefits na ibinigay nila kasi ‘yung ibang staff ng school, kakilala ko, kaklase ko pa dun sa uplb – small world talaga! ‘di rin sila makapaniwala na andito ako sa Mindanao….

ang aking mga kaibigan!

At siyempre chicka to the max…hanggang na-confirm ko ‘yung isang balita na medyo mabigat sa aking damdamin…wala kakanta na talaga ko ng “Paalam na”

Haaay, kailangan ko na talagang i-purge siya sa buhay ko…siyet, minsan lang ako tamaan ng matindi tapos, hindi rin pala puwede…kaya akmang-akma tuloy ‘yung kanta ng Smokey Mountain sa akin na “Kahit habang buhay” kasi gan’un ako…

Kahit Habang Buhay
(R. Cayabyab)

Intro: C,G/B,Am,G,F-G7

       pause

   C             Bm7,E7       

Nakakalito ang mundo

      Am

Kung sino'ng mahal mo 

       Gm7       C7

Siyang ayaw sa iyo

        F

Huwag sanang masayang

E        A7      Dm

Itong damdamin kong 

        G(7)

Laan sa iyo

C           Bm7,E7

Paano naman ako

    Am            Gm7      C7

Kay tagal ko ng umiibig sa 'yo

      F

Huwag sanang masayang

Em        A7     Dm

Itong damdamin kong

G         C

Laan sa 'yo

Chorus:

        F

Kahit habang buhay

   Em7              F

Maghihintay ako sa 'yo

      Dm     Dm7     C7sus-C7

Kahit pa maglaho ang mundo

       F

Kahit habang buhay

     Em7            F

Maghihintay ako sa 'yo

       Dm  

Asahan mong hindi magpapalit

 Gm7     C7     F

Itong damdamin ko

Adlib: F-Em7,A7,Dm,Cm,F-

       Bb-Am,D7-Gm,F,Eb,G7,

(Repeat 2nd Stanza)       

(Repeat Chorus except last word)

  Bb-

..ko

Bridge:

Bb

Paano naman ako, oh woh

Nakakalito ang mundo

F            Gm7

Kung sino'ng mahal mo

                C7

Siyang ayaw sa 'yo, woh, who...

      C#7

Kung sinong mahal mo

Siyang ayaw sa 'yo

(Repeat Chorus, except last line

moving chords 1 fret higher)

Coda:

D Dm-

Hinding-hindi magpapalit

Dm7-

Hinding-hindi magpapalit

Abm-C#7 pause   F#-hold

Itong damdamin ko.

…medyo baguhin natin para mas akma, “kung sinong mahal mo, TALAGANG ayaw sa ‘yo…”

…haaay uli, pa’no ba ‘yun? Ikwento ko lang kasi wala akong makausap dito tungkol dun, para naman medyo maibsan ang aking damdamin…senti muna ako….

Kaibigan ko siya, nagtapat ako sa kanya, kaso hindi klaro ang sagot niya, pinaglaban ko damdamin ko kaso, mapait ang tadhana, nawalan ako ng trabaho n’ung panahon na ‘yon, nawalan ako ng lakas ng loob na humarap sa kanya…kasi siya lang ang babae sa kanila, mga kapatid nya may trabaho lahat pwera dun sa nag-aaral pa, anong isasagot ko ‘pag tinanong ako kung ano trabaho ko? Medyo lumayo muna ako sa kanya, naghanap ng trabaho para may lakas ako ng loob na humarap sa kanya, kaso nakakuha ako sa malayo…sinabi nya n’un na hindi siya naniniwala at ayaw nya sa long-distance relationship, kaya ayun lalo lang ako napalayo sa kanya, tapos, andito pa ako sa Mindanao ngayon, lalo na…umasa pa naman ako na may babalikan…haaaay…kay pait….

Pero, gan’un daw talaga ang buhay…kung hindi ukol, hindi bubukol, ah ewan! Paano ko na naman siya aalisin sa puso ko? (naks, ang lalim!) Puro bukol na nga ang puso ko eh, pang-ilan na ’to? At least ‘yung iba nalampasan ko na…ito, panibagong pagsubok na naman…gusto kong sumigaw, AAAAAAAAAAARRRRRGGGHHHH!!!!!!!

nakakalitong mundo!

matagal-tagal din bago ako nakapagsulat uli, masyado kasing abala sa buhay..naks, buhay na ngayon ha!

ano na ba ang mga nangyari sa akin? hmmm...

...natapos na 'yung project na ginagawa ko, sa tulong ng dugo at pawis (literal!) na ibinuhos ko d'un, ngayon eh hindi naman nakiki-communicate ang boss ko, nasa ibang bansa raw...haaay, bigyan na nya ako ng ticket pauwing luzon!!!

...may dumalaw na psychic healer na pari sa amin, nagpatingin ako, baka kasi may myoma ako eh, mahirap na...wala naman daw akong sakit ..pero sabi nya malakas daw ang aking feminine side...hahaha, totoo kaya ito, papa este father?

...nag-birhday ako, mag-isa, nakaklungkot, mahirap pala mag-celebrate ng nag-iisa ka, mga kasama ko kasi dito puro may pamilya kaya 'di mo mayaya, lahat eh gusto pauwi sa kanikaniyang pamilya, 'buti na lang tumawag 'yung mga hindi ko inaasahan na tumawag, kaya okay na rin ang birthday ko...'buti na lang narinig ko ang boses nya...masaya na ako!

...haaay lovelife , kailan kaya ako magkakaroon ng legal, ang ilap eh...o ako ang mailap?...mapili kasi ako eh, 'yun nga lang, 'yung napipili ko, mapili rin, kaya ayun 'di ako pinili...hay kinabuhi!!

...sa susunod talaga isusulat ko dito 'yung tungkol sa mahal ko, ang daming nagtatanong eh...papamagatan ko 'itong "ang mga lalake, este babae sa buhay ni juani"!

...naka-gimik din naman ako kahit papano, napanood ko rin sa wakas ang bagong movie ni batman, okay naman siya, ahaaay, papa ko talaga si Liam Neeson..hehehe, sa bawat sequence 'inaantay ko siyang magsalita ng "my padawan!"

...nakainuman ko rin 'yung kaibigan kong babae, si Jan-jan, d'un sa Matina Town Square...okay naman d'un, teka inuman ba ang tawag d'un, the usual, kalahating bote ng san miguel light, lots of ice and 2 glasses of cold water...ayun, ako pa 'yung tipsy sa amin, samantalang 'yung kaibigan ko, okay lang...tsk, tsk!

...ayun na muna...ayaw ko munang mag-comment sa kaguluhan diyan sa Luzon, tapos ang impression eh, magulo raw dito sa Mindanao, sa totoo lang, mas masarap mabuhay dito, at tahimik pa...'pag nagkataon, tutuluyan na talaga yatang maging isang bansa ang Mindanao kapag nagkatuloy-tuloy ang kaguluhan diyan sa Luzon...handa na ang mga tagarito, may national anthem na, may seal at bandera na, may pangulo na ring kung sakasakali, si Duterte yata, well okay lang naman siya...sana!

haaaay...

..dumating na ang kinatatakutan ko...nagsasawa na ako sa buhay ko...o nalulungkot lang ako?

...ewan ko, may bigla kasing nangyari na nagpabago ng takbo ng buhay ko dito...'di na tulad ng dati na masaya ako parati, kaso...ngayon, nagdadalawang isip na ko...ang hirap din pala kapag masyado kang malayo, mahirap mag-isa...hindi ko makausap ang mga taong nais kong makausap, lalo na sa mga panahong ito...

...ah, ewan...'di tuloy ako makatulog...minsan, isipin ko lang, naluluha na ako...haaaay, buhay....

mmmmmm....

...at muli na naman naming pinagsaluhan ang matamis na gabi! ;-)

Tao rin pala ako, nagdurugo…

Grabe! gan’un pala ang pakiramdam ng naaksidente….

Kahapon, habang papunta ako sa iinterbyuhin kong farmer, may isang sakunang nangyari...at kasama ako d’un! Nasa Midsayap ako at papunta na sa bahay ng isang farmer na aking kakausapin ng biglang mangyari ang aksidente...nabangga ‘yung tricycle na sinasakyan ko!

Malayo pa kami, nakita na ng driver naming ‘yung van na pumarada sa isang medyo dahilig (slopey) na paradahan. Bumagal na ‘yung sinasakyan ko para magbigay daan, kaso n’ung nasa tapat na kami n’ung van, bigla kaming inurungan. WABAMM!!

D’un sa tagiliran ng tricycle, sa may lugar ko, bumangga ‘yung puwitan ng van. Ako, napahampas ang noo ko sa windshield ng tricycle sa lakas ng bangga. Basag ‘yung salamin! Tapos ‘yung noo ko, may sugat, duguan, medyo masakit! Putsa, ang nasa isip ko nu’n: siyet, naaksidente ako, dadalhin ako sa ospital, mako-confine ako d’un! Siyet, hindi puwede! May hinahabol akong deadline, may i-interbyuhin pa ako!

Tiningnan ko ‘yung driver namin. Napahampas din siya sa windshield, basag din yung salamin kaso ‘di siya nasaktan pero yung kasama nya na nakaupo sa likuran nya, may tama sa likod, medyo may sugat sa likod dahil din sa lakas ng impact ng banggaan.

Siyempre datingan ‘yug mga tao, bumaba kami ng sasakyan, tapos nag-usap sila, nung may-ari ng sasakyan. Ako naman, tingin kaagad sa salamin kung ano itsura ko, maliit na galos lang pala sa noo, pero may dugo, tapos marami pala akong bubog sa katawan. Saka palang kami napansin n’ung nakabangga at dinala kami sa ospital na pinakamalapit. Nagpa-panic 'yung may-ari, kami okay lang, kalmado. Actually, okay lang ako, kaso ang concern ko lang, baka kasi may bubog sa sugat ko, kaya nagpadala na rin ako sa ospital. Mabuti walking distance lang 'yung pinakamalapit na ospital.

Pagdating sa ospital, dinala kami sa emergency room, tapos tinanong kung ano pangalan, edad, tagasaan, etc,..parang , hello! May sugat ako, ‘di kaya gamutin nyo muna ako bago nyo ako tanungin ng kung anu-ano?

Kinuha ang BP ko, tapos sabi ng doctor nasa threshold daw ng normal at mataas, tinanong kung highblood daw ako. Sabi ko normal lagi ang BP ko, shocked lang kaya gan’un. Tapos, pinahiga sa kama tapos tiningnan ‘yung noo ko. Ayun, nilinis lang ng alcohol tapos nilagyan ng betadine, tapos na!

Tinanong kung naliliyo ako, sabi ko hindi. Tapos sabi i-x-ray daw…sabi ko hindi na kailangan, para galos lang i-x-ray na kaagad? Niresetahan kaagad ako ng gamot, Antibiotics na 500mg, iinumin ko raw tatlong beses sa isang araw, sa loob ng isang lingo, at mefenamic acid, pain reliever, iinumin kada 6 na oras, sa loob ng 10 araw…Ha? Gan’un ba kalala ‘yun? Sabi ko, huwag na lang, ‘di ako umiinom ng gamot. Nagpilit ‘yung doctor na painumin ako ng mefenamic acid, sabi ko, huwag na. Ang kinuha ko na lang ‘yung tubig, sabi ko okay na ako.

Pagkatapos ko, ‘yung isa naman ang tiningnan, ewan ko parang galos lang naman, tapos sinaksakan na kaagad siya ng oxygen…

Hinarap ako ng nung may-ari ng van, babae siya. Nagpaliwanag, sabi nya, walang tao sa van n'ung nagyari ang aksidente. Naka-park na ‘yun tapos, naka-handbreak, pagbaba niya, umandar ng kusa kaya kami naurungan. Nag-sorry siya, maganda pa naman siya…tapos dumating ‘yung boyfriend yata niya...ayun, iyak siya sa boyfriend niya, nakayapos…sa isip ko, haaay sana sa akin na lang siya yumapos…’yung boyfriend! Hehehe…

Tapos hingi talaga siya ng sorry. Sabi ko, okay lang, aksidente naman ‘yung nangyari eh, ‘di naman talaga sinadya yung pagkakabangga. Tapos nagpaalam na ako, sabi ko may iinterbyuhin pa ako…ewan ko kung ano nang nangyari d’un sa isa….

Update muna....

Uuuy, medyo matagal-tagal din pala akong hindi nakapag-update dito ah…sige na nga!

Sa mga nakalipas na buwan, ano bang mga pinaggagawa ko? Ahhh, medyo marami-rami pala…naging abala ako sa pagsusulat, siyempre, ayun ang trabaho ko eh, na hanggang ngayong ay hindi pa tapos, dahil maraming gustong idagdag at palagi pang nasisira ang mga computer na ginangamit ko…ano bang kamay meron ako at palagi na lamang nakakasira ng computer?!!

Nakapunta nga rin pala ako sa General Santos City, mga anim yatang probinsiya ang nalampasan naming bago makarating d’un, kaso saglit lang kami d’un, gabi pa n’ung umalis kami kaya hindi ko masyadong napagmasdan ang paligid….babalikan ko iyon talaga!

Ahhh, teka, ano pa ba? Training seminar siyempre, medyo maramirami…swimming, tapos, nagkasakit pa ako, na-infect ang tenga ko…masama pala ang cotton buds, napasobra ang linis ng tenga ko, ayun namaga! Putsa, masaket! Dinala ko sa espesyalista, mahal ang bayad, sana naipang-gimick ko na lang ‘yung pera….kasi, engot maglinis ng tenga, ayan tuloy!

Uy, eto nga pla ang itsura ko ngayon….hehehe, medyo humarap na ‘ko sa katotohanan tungkol sa buhok ko…ganito na lang siguro palagi ang buhok ko!


okay ba?

Eto nga pala mga bago kong kaibigan, mga officemate ko…at siyempre, ‘tulad ko, mga maldita at bading na rin ang ,mga ‘yan…medyo contagious ako dito eh!


eto si Lotlot!


eto naman si mama ‘son! Gerson ang fangalan niya

Haaay, okay na ‘ko dito…medyo, matatagalan pa talaga ang pagbisita ko sa Luzon…konting tiis nga lang talaga….

At saka nga pala, salamat sa ‘king papa!! PAPA GERRY ALANGUILAN, SALAMAS, este SALAMAT TALAGA!!!! Ang ganda ng T-shirt, siyempre ako lang ang meron n’un dito!!! Tapos, may babasahin na uli ako, okay talaga ‘yung Lastikman. Medyo huli na talaga ako ngayon, pagdating sa komiks, ang hirap humanap dito sa Mindanao eh!